第二十二篇《開竅,頓悟》

若干年前,小弟發了一個夢,夢見在山上有一座建築物,環境十分優雅、清靜....。有一位白髮老人,面帶善意,當時我望著他,大家都沒有說話,也沒有打招呼,忽然發現牆上有一塊太極拳的黑白圖像,本是不動 的,但開始轉動,越轉越快,變成灰色,灰色不斷擴大,最後我只知自己在一片灰蒙蒙中驚醒。記得兒時看圖書,火神王子與水神公主結婚的故事,結果生咗個「水蒸氣」的兒子。法律其實也有「灰色地帶」存 在。於是舉一反三,即敵演剛,我演柔,兩力接通的同時,產生咗不剛不柔的〝韌性力〞,小弟稱之謂〝人體彈力〞,再講明白些：「木棍是剛,麻繩是柔,介乎兩者之間的灰色物質,應該是藤枝,藤枝是充滿彈性的。」 好了,返回話題,〝人體彈力〞這時刻,存在敵我之間,〝它〞對敵人來說是深不可測,無法理解。但高手則利用自身的節節貫串技術,將〝它〞驅使到對方身上,令敵人反應飛出。〝人體彈力〞這個名詞,或者將來 會在太極拳書中經常見到,成為太極拳專有新名詞,這是白髮翁〝托夢〞的功勞,在下執筆僅沾光矣。

先前所講的〝短勁〞習慣動作,身勢沉壓,引回饋力迎敵。現在可以說,越是高手,沉壓動作越是不容易看到，因為被節節貫串所取代,門外漢無法睇得出,即節節貫串是高手的身體感覺、享受。(情況就好似睇電 視見到食神、食通街,將食物放入口內,閉起雙眼睛，唔...真係又香、又甜、又滑、又多汁，只見到佢好似食唐僧肉咁,好enjoy個樣，但又唔知味道係點？因為再好的視覺效果,都能代替味覺。)好了,再返回 話題,由於自身的感覺,筆墨好難形容,古代人辭彙有限,又無相片、VCD幫助,若對著班徒弟徒孫,都唔知點解釋好？唯有講得深奧些,寫得神化些,反正你都未必學得到,起碼多班人幫手擔水、斬柴、上山採藥...., 至於見到真功夫,但又學唔到的有心無力人仕,便加鹽添醋,講到好似有特異功能咁,起碼識少少,扮代表,無人敢睇小。〝睇唔出、好難形容、唔知點解釋？〞便成為通到彼岸的茫茫大海,令人卻步,願學者好自為之。