吳忠勇君問如何練到「不丟不頂」？
「不丟不頂」通常是指化勁而言, 一般拳藝高者, 往往把低水平者掟出去, 其實也是給初學者
可以練習「不丟不頂」的機會。因為退多了就變成丟, 給對手「食住上」的機會, 但退少了
就變成頂, 也是要被拋出去, 所以要成功, 先要接受失敗,越被拋出得多；而又願意接受改善者,
成功機會就越大。倘若能客觀放鬆身體,則對方的一舉一動, 必能洞察清楚。
要完全御控肢體, 不疾不徐, 不招不架, 沒有預備動作, 沒有紮穩馬步, 沒有固定招式, 伺機而動,
因勢而變, 不丟不頂方可應用。
順便一提〝履〞化, 「退、轉、沉」是口訣, 即係合力化勁。
再又順便一提〝沉〞, 能鬆沉自然能穩, 沉而後升, 有利拔對方的根, 身體經沉壓反射出來的能
量, 便是小弟常掛口邊的「人體彈力」。
有觀眾問怎樣才算「中庸之道」？
理論上樣樣嘢都中間落墨, 保持水準, 留有餘地。 舉例咁講, 站在壞人堆, 我便是好人。站在好
人堆,我便是壞人。即係話：「識得小弟好人有限, 唔識小弟好打有限」, 以下純屬個人感受,
如有雷同實屬巧合。唸番我五歲嗰陣, 阿媽靠縭膠花過日子, 見到佢三寸金蓮對腳, 背負着幾十
磅膠花, 拖着我, 蹣跚行約半小時; 到山寨廠交貨的情景, 令我心如刀割, 畢生難忘, 嗚…. 或問：
「梅老太當時點解唔搭車呢？」答曰：「搭車唔駛錢呀, 要一毛子嘛, 蠢材！」, 于是我發誓
大個要學好手車,等阿媽唔駛行路。 要讀好書, 服務社會。要教好太極拳, 令人人有功夫學(喱句
搭單)…. 時至今日, 無人話我係狼,無人話我係豬, 好人咩有限, 衰又衰唔晒, 咁亦係「中庸之道」。
日記一則
某月某日同師傅聊天, 師問：「汝打了太極拳多年有何見地？」, 我聽了冒出一身冷汗,因為此問
非同小可, 可能考考在下夠唔夠料做接班人, 小弟答曰：「依劣徒愚見認為太極拳雖然沒有拳風
虎虎、來勢洶洶、氣懾迫人。 但仔細啄磨、 以意催形、 鼓動氣血暢流, 亦頗見功夫。」師點頭
深感欣慰,方欲再言, 剛啱有位同門走埋嚟同我打招呼：「梅師傅您好！」, 我大吃一驚,急忙恭手
笑對師傅說：「恭喜您荣升師公矣」,師〝百般滋味〞在心頭。
|
