自從網文出街之後,太極技術大公開,觀衆反應熱烈,好似烏蠅〝嬲〞肥豬肉

 咁,越哄越熱鬧,但亦受到太極同行質疑,並問候他們的伯母,即小弟娘親,不

 幸的是她已逝世多年,否則都好唔得閒,間中亦有讚美之詞,部份內容太過肉

 麻,不便公開,亦有人動議;推舉小弟為揚式太極拳「香港區」代言人,小弟雖

 然貴為「銀行顧客業務監察員」,(每日對住一箱箱銀紙,過有份抬,無份洗,

 但話唔定終有日俾我好似〝畢昇〞咁;搞到活版印刷,印出一張張銀紙,再學美

 國佬咁搞個貨幣闊鬆政策,大量印製,到時再請大家食銀紙煲綠豆砂未遲！),

 又有何德何能;豈可當此重任？不過話又說回來,假如真係一時間揾唔到適當

 人選,不才都會免為其難暫時做住先,好待他日有〝高人〞出現,再將個位轉交

 給他,亦不失為折衷辦法,大家認為如何？好了多謝各位看官奉場和電郵,下次

 在空中再見,上面M下面W(飛吻)。

有觀衆問樓主：「你Ｄ笑料真係咁掂咩？」,小弟的答案：「是肯定的,保證令

 你開懷大笑,問題是有無機會俾我發輝。」雖知道社會是跟紅頂白的,錦上添花

 時時有,雪中送碳有幾何？不才曾經在影視界做了五年佈景板生涯,樂得〝影後

 〞的美譽,雖則換來失敗、失策,但遺留下寶貴的經歷,詩云：「勝敗兵家事不

 期,包羞忍辱是男兒,江東子弟多才俊,捲土重來未可知？」,所謂：「知恥近乎

 勇」。有人話香港是個商業社會,無人會懷才不遇,廢紙、汽水礶都有人回收喇

 ！更何况係人材？所以筆者始終愛聽：「天生我才必有用」這類慌話....不過

 說不定有朝一日真係「鹹魚翻生」,我這塊碳也可發光發熱呢；你點睇？

 以下係情景對白－－

 「樓主：你信我呀。

   觀衆：信襯你都鑊鑊金,你叫我點信你啫？

   樓主：咁又係....
  
   觀衆：你知就好啦,仲咁多口水。

   樓主：但今次肯定係堅料...咦！你做乜趴係度？

   觀衆：我伏你伏到五體投地囉。」