「昨夜見信箱,觀衆大點兵,軍書十二卷,卷卷有吾名,本人無犬兒,小弟無

 長兄....」,節奏參攷【木蘭詞】,所以唯有親自回覆。

 有人問小弟的太極拳功夫到了什麼境界？

 嗱！喱個問題問得相當好,十分到位;有壓迫感,亦都是大多數觀衆想知的

 問題,小弟思之良久答覆如下：『吾習之三十有年,感到肌鬆體適,百骸暢

 通,氣固丹田,神盈於頂,運動起來,拙力全消,柔勻自然,恢復原來人的自然

 感受,即與自然力量相通。到此,自我意識已深入虛靈境界,在清靜無為的

 意識中,領略到〝天人合一〞的意景。』講到咁怕且大家都會想像得到喇啩！

 以下係情景對白：

 友：喂！係真定係假？   樓主：你想聽真話定假話先？

 友：假話呢？    樓主：我Ｄ太極拳功夫唔駛得。

 友：真話呢？   樓主：當然係真啦,當年祖師爺傳俾我的心法,我依足背到

 滚瓜爛熟,你敢話佢老人家講大話嗎？

有觀衆問學習太極拳有沒有禁忌？

 其實係有,話無就呃你嘅,小弟屈指一算起碼有四條:

 一.忌女色－－色乃削肉鋼刀。

 二.忌嗜酒－－酒乃穿腸毒藥。

 三.忌吸煙－－吸煙有害,且影響他人。

 四.忌賭搏－－細賭浪費時間,大賭傾家蕩產。

 有學生對為師話：「我戒煙、唔賭、唔駛、養老母。」少咗兩忌,仲帶孝心,

 仍須努力。另一人話：「你講的四忌我一樣都無。」,我答：「那太好了。」

 他道：「不過我有一個小毛病」,他說的小毛病就是經常講大話(吹脹)。