《家師》

有位觀眾來信問我的功夫出自何經何典？家師又係邊位？嗱、尋章摘句,搬文弄墨,乃書生所為,我一介

武夫,堂堂男子漢,唔做Ｄ咁嘅嘢。至於話家師係邊位？佢老人家不問世事,歸隱多年,我唔方便篤佢出

嚟,不過既然大家有咁嘅要求,我一定要俾個滿意答覆大家。(去片)

(閃電、狂風、大雨),鏡頭往後拉至牆角邊,見一人閃出,草衣草帽,在巷中揮動車轆連殺兩人,那人在

雨中不動;車轆在滴水(近鏡)。對白：家師就係拿破崙(行雷聲),助手：吓,你師傅就係大名鼎鼎,揸著個

爛車轆橫掃歐洲既拿破崙,Yes,法蘭西皇帝、France'sKing(廢Ｘ事傾)。

助：講真？梅：講假,我真正師傅係彭ＸＸ教授,歡迎...。彭：客氣,客氣,我教咁多徒弟都係你至巴閉囉。

梅：咁你即係話我青出於藍而勝於藍啫(义腰)。彭：家陣唔係咩？梅：劣徒有今日嘅功夫,都係多得師傳

多年指導。彭：客氣啦;我教咗幾十年拳,都未見過咁高質素嘅學生(拍膊頭)。梅：多謝抬舉(恭手)。

彭：仲有你以後唔好話自己係劣徒。梅：咁係吖馬,師傳,我認。彭：我哋間拳館靠你省招牌啦。

梅：喂！你咁即係俾壓力我啫。彭：喂,你句句頂住我;係咪五行欠丙呀？梅：你丙我;我唔會還拖咩？

(擺打欵),齊說：啊..啊..彭：唉！你話收徒弟呀;教識徒弟無師傅喇！梅(一諗扮喊,伏彭懷中)：師傅

我知錯啦,你大人有大量,愿諒我喇。彭(安慰道)：咁你以後仲敢唔敢搏咀？梅：唔敢。彭：咁你以

後仲敢唔敢唔食飯？梅：唔敢。彭：咁你以後仲敢唔敢訪問我？梅：唔敢。彭：咁你以後仲敢唔敢行

房呀？(梅一望)呀,呢句唔係。咁你以後仲敢唔敢還拖？梅：敢(又擺打架欵)。甲徒：兩位師傅埋位啦

(打麻雀),攤到凍哂囉,唔好講咁多廢話啦。梅：你話乜嘢話？彭：廢話喎。梅：信唔信連你都打埋？甲

徒：打啦！打啦！我靠打維生。梅：二五雞揾唔揾到食呀？甲徙：係一、二蚊呀,打得大贏得多呀。