|
|
 |
化勁 |
|
|
第十八篇《化勁》
化－－消化 , 勁－－力量。
表面文字通俗易懂,但含意深遠,需要有專業人仕如在下,替看官們剖釋。敵人的力量,是打倒自己的惡魔,用盡氣力回應,那只是火星撞地球的消耗戰。那由他來吧！這〝惡魔〞便做成我身的痛傷。所以個人認為學習 〝化勁〞是最難闖的關口,闖得過,便是太極有緣人。敵人的進攻,由視覺轉為觸覺之後,我身段與關節的變化,要預留他撲空的位置(這點非常重要),即敵人來力不要頂,要疏導(即左右一邊站)。或將自己站點為圓 規中心,將來力從弧線轉撥出去(離心力),也是一種疏導方法。
「一動無有不動」,太極拳是有系统的整體作業,不是局部的盲目發展。當未達到「搭點即發點」階段,又不想被人打到一仆一碌,那麽〝化勁〞便是你僅有的護身符,能保持不敗,總算不錯。
笑話一則：「循例」
(搞笑版)
若干年前,內地惠州有間屋,假期循例返去鬆一鬆,點知到咗門口,發覺把門鎖壞咗,入去一望,方知俾人爆咗格,發覺唔見咗部電視機同電話,都係好正常啫,但奇在連電飯煲同餅亁罐裏邊孖臘腸都被偷埋,證明個賊餓咗好耐,急住要開飯。於是循例走去報公安,「打的」去到派出所,只見枱櫈同電話,其餘四大皆空,好似入咗清真寺,都幾似被人爆格完咁,落完口供重要打手指模,跟住口吻好輕鬆話：「唔駛緊張,返屋企換過把鎖就得啦」,我心諗：「如果公安局長俾人爆格,係咪一樣咁輕鬆處理？」一陣佢又話：「有些情況特殊嘅,我哋會有優先方法處理」,聽落好似話中有話,我心又諗：「如果要駛錢,我不如買過Ｄ新電器」,於是托詞話屋企煲落湯,要返去睇火。走返出派出所,報咗等於無報,都係循例啫。返到香港,同朋友食日本菜,講起上嚟,越講條氣越唔順,又食咗啖wa-sa-bi,火都嚟埋,循例大叫一句：「XXX」,不久女侍應端上細生啤一揸,我問：「你點知我要啤酒？」,女侍應答：「你的日文講得好正」,我微笑表示同意,心諗：「好彩醒目兜得快,否則喺靚女面前出醜就唔好啦....」。
|
|
|
|
|
