第三十三篇《融合一體》
有位觀衆來信,信中提到：「我一年365日,每日行房兩次,每次二十分鐘,問點解發唔到勁？」啊！對不起,係行拳至真,嗱,呢個問題問得好好,即係話佢認為自己交足功課,點解無收穫？小弟答曰：「就係因為打拳時, 少用腦思考,欠缺想像力,所謂默識揣摩,佢無做到,沒有將自己同拳套融合一體,所以成就不大。舉個實例,好似書法咁,兄台但根據字帖臨摹,依樣葫蘆,一筆一劃,少花心思,僅落得字體工整、大方而已。比之吾等,輕 舒猿臂,揮展雲箋,抑揚頓挫,鐵劃銀鈎,躍然紙上,還差一截,行文至此,相信明白、清楚了吧。」或答曰：「我都想學你一樣,但做唔到啫。」,所以不才嘅拙作,依然有值得大家參考的地方。
附加：「番薯」
番薯被西方醫學界評為冠軍蔬菜,其理由為清理腸臟,常食對腸道有益。講真啦,小弟平日捱飯盒已經夠慘,如果再〝嘆〞埋番薯,心情更覺特別悽涼！兼且我做試驗白老鼠做得多,今次姑且俾你哋威番趟,等你哋試 吓做白老鼠嘅滋味。如果食咗番薯成日放屁或如廁暢順的話,不妨將「親身體驗」電郵話俾我知,小弟會將你嘅寶貴經驗;利用〝太極笑林〞呢個平台,話俾全世界知,放心食啦。