音樂 :  
語言版本
 
戒急用忍

第二十四篇《戒急用忍》

想當年,小弟有個綽號,即江湖上人稱〝玉面書生俏郎君〞就是在下,有某導演揾我親戚〝玉面飛狐〞,用佢個名拍咗部戲,但票房麻麻哋,所以無人提起,不過都是二十多年前的事,如今歲月催人,談不上〝玉 面〞,所以改稱「太極笑林」,又因小弟亦有個英文名〈George〉,後生仔開玩笑口吻叫我「阻住阿叔」。閒話休提,言歸正傳。講到發勁傷及內臟的功夫,剛啱小弟亦略懂一二,個人認為如果可以用短勁將對 方飛出,亦即可以用〝截勁〞留著對方,同時貫入〝短勁〞,在物理學上可稱為「滲透作用」(又叫透勁),沒有什麼大不了。又如果發勁傷及徒弟,即尚未懂收放之道,份量過重之故,須知徒弟乃米飯班主,若果 因受創而退學,個館會變得水靜鵝飛,兼且門下任人白布纒頭、包頸,咁樣似印度會所,多過似太極拳館,所以為師者宜「用忍」。

太極推手,要慢火煎魚,假以時日,先至學到。太過急功近利,箍頸、扭手、掃腳都出埋,得手後話係太極功夫,「張冠李戴」咁就認真〝窩可〞(小弟都唔明白係乜嘢意思,但總之個句,唔慌係好嘢)所以徒弟們宜「戒急」。

附加:「強精飲品」

舊電影〝強 X〞一片,戲中內容有一段情節,奸角在汚辱女主角之前,先溝了一杯簡單〝強精飲料〞,用之壯陽。無睇過本片或被遺忘咗,都唔緊要,首先我們不要戴有色眼鏡去睇此片,其次也不要從道德角度去討論此 片,我哋要用誠心誠意,專業研究的精神,去對待這杯飲品,咁先至唔會俾人誤會;我哋存心睇咸帶咁羞家。為了唔阻大家時間,現節錄如下:「雞蛋兩隻,拔蘭地酒一小杯,蜜糖少許,無色汽水適量」,隻杯要大些,汽水 後下,混合咗速速飲,試過之後,唔知係咪將心理作用;變為生理作用,覺得效果唔錯。『雞蛋的蛋白,被烈酒灼得半生半熟,容易吸收,加上酒精入胃,全身暖和,此外單醣、多醣之類,亦是快被吸收之物,再被汽水撞起 泡沫急速上升,視覺上有似爆炸威力』。另外還要提醒大家,飲含酒精飲品之後,絕對不適宜駕車,雖然目前法例還算寬鬆,但加強刑罰阻嚇勢在必行。

網頁設計 由 WOW網頁設計公司提供