第二十一篇 《難分真與假》
兒時上課,老師問：「樹上有六隻雀仔,獵人用槍射落一隻,樹上還有幾隻？」有人答：「五隻。」其實開槍剎間,雀仔嚇到飛走哂。又拳譜中有：「極柔軟而後極堅剛」之句。太極拳不是用力,而是儘量少用死力,改用彈力,那 何來極堅剛？其實身體一直保持柔軟狀態,當引導來力或自身重量，撞落地面,這瞬間被視為堅剛嗎？其實不是,因為堅剛會阻斷回彈力折射回去。(真正極堅剛,恐怕是塊地吧！)當然過程中快慢因敵調節，「動急則急應,動緩 則緩隨。」但亦有人認為,練成硬氣功與鐵布衫,可任人拳打腳踢,是另類防身,再紮穩馬步,猛力推人,豈非極堅剛！那他的極柔軟那裹去了？
至於明唔明白,有時要用腦去思考,對與錯,要用腦分析,筆者唔敢睇小看官智慧,所以相信你們是會分別到真偽的。
附加：「尷尬」
人生數十年遭遇到的事情很多,其中亦有一些尷尬場面。記得小學作文章,題目係清明節,文章最後提到：「夕陽西下,我們帶著依依捨的心情離開,回頭一望,望見墳墓的倩影....」,後來老師批文曰：「倩影乃形容美女背影的專用詞」,當時覺得自己好瘀,好似入錯女厠一樣。講開入錯女廁,小弟亦有 一些經驗：【剛啱見到一位〝仁兄〞從廁所走出來,就跟着入去,心諗點解唔見尿兜嘅？推開方便之門見到〝紅包〞,即刻走返出嚟,由於吃了一驚,忘記講：「恭喜發財」,係「大吉利是」至啱。】以下是在國內的寶貴經驗,相信部份朋友都會試過,男厠通常無門又開窗,好似公開表演咁,透明度極高。失驚無神 走位阿嬸入嚟拖地,為了表現自己大方得體,入鄉隨俗,只好吹口哨扮鎮定,但係條氣已被打窒,所以要提早收工。