第二十篇《太極似魔術,真傳要公開》

俗語有話：「無氈無扇神仙難變」,太極拳其實原理都係一樣,佢嘅氈呀扇呀,其實就係關節變化,重心調整。所謂高手,便是令你睇唔到出招,只見到敵人被飛出效果,係咪？

雖然有很多同好會多謝「太極笑林」講得咁明白,省了很多寶貴時間。但亦有很多師傅級人仕認為：「你講得咁清楚,將秘密公開晒，我哋以後怎樣揾食？」,反對,在外國有些魔術師將戲法公開咗,令同行再諗些新魔術 應付觀衆,咁先至有創新。或者再打個比喻,如果你真係有病去睇醫生,你都唔想被人拖症啩？所以小弟主張一劑搞掂拍成VCD製作,意思是幫你慳錢慳時間,「太極笑林」將太極拳技術無私的奉獻俾大家....於是一個充 滿傳奇的人物,從此就要誕生啦,大家千祈唔好〝冷〞笑住,本節目的搞笑部份(時裝短片及古裝短片)重未隆重登場,由於內容公開,為咗迎合觀衆口味,為咗刺激本港消費,維護香港金融體制的健全運作,小弟無辦法唔作出 適當犧牲,「親自掛帥,粉墨登場」,但還需要拍攝人材、演員、服裝、燈光、化裝、道具、佈景等。最重要還是廣告商贊助、支持,到時希望大家會報以〝熱〞笑,但要委屈各位耐心等待一下。