音樂 :  
語言版本
 
影像煤體

第十九篇《影像煤體》

有人批評在下文章,睇落似淺白,內容深奧難懂。有同的意見,其實好正常,無理由天下人都同一個諗法。文字上表達,小弟已經盡力而為,但仍有人都睇唔明,點算?唔緊要,小弟好瞭解英文係世界性語言,時下香港人, 尤其是青少年,多以英文為主修課程,中文文化程度〝麻麻哋〞。真可惜在下英文未夠班,是見到唐人講番話,見到西人口啞啞個類,但香港政府的文件以英文為版本,譯成中文,同樣睇到我朦查查。所以小弟有一個大膽 構想,可唔可以將文字媒體,改為影像媒體,拍成VCD出品,部份內容卡通化、3D化。咁就難懂的太極拳,都變成人皆可學的技術,還可將我另一長處發揮出來,即搞笑短片,咁呢隻VCD嘅內容就變得更豐富,我的宗旨:「視 學習為娛樂」,一炮雙響,提供生動畫面,令觀衆從輕鬆中領悟放鬆功,如果重學唔到,歡迎閣下(只要唔係踢館)登門學藝,我會為你進行針對性訓練.....至於有功夫基礎(楊式),想深造的人仕們,我亦會為你安排〝昇華版〞 課程,絕對方便。

笑話一則:「扮嘢」

(搞笑版)

點解時下咁多少年服食丸仔?皆因父母都要揾银養家,無時間管教仔女,又或者部份家長太過放縱自己的仔女,俾佢哋話晒事,掉轉頭控制番你,所以希望家長們切忌太過呵護子女,否則一旦變成温室花朵,就經歷不起風霜雨打,如身為子女嘅覺得自己有少少被縱壞的傾向,恐怕將來會影響前途的話,請儘早與本機構聯絡,會有專人你解答,但要先上我哋網址「1647-9394」(會意),print份from出嚟,填好佢,記得簽番個名,再傳真番俾我哋登記,約五個工作天,便有留言或短訊覆你,雖然複雜咗少少,但都係依照手續辦事啫。

網頁設計 由 WOW網頁設計公司提供