第十七篇 《留有後路》
有人問我：「點解唔同女性推手？」小弟憑著靈敏的觸覺,喺班徒弟面前吔文吔武,但深信有朝一日,一旦遇到真正高手,自己會變成糊塗蟲,因為小弟都好明白「一山還有一山高」的道理。點解唔同女性推手？
一.驚錯手觸及女方嘅〝要害〞,佢唔知會唔會叫非禮？
二.小弟對打通穴道嘅功夫,識D唔識D,驚一旦打通錯咗〝情感穴〞,對方動咗〝真情〞,咁就一身〝蟻〞。雖然話人又老,錢又無,好容易甩身,但〝才〞唔敢。基於小弟(其實都唔小)自知感情脆弱,是個容易受傷的男人,所以唯有高掛免戰牌。如果有朝一日,女性高手出現在下面前,唯有歎句：「可遠觀,而不可褻玩焉。」奈何！咁就給我製造一個甩難的藉口。
