第六篇 《無招勝有招》
先前腰圍粗咗幾吋,急著去揾減肥醫生,問：「我係咪要戒口？」答曰：「唔駛。你什麽都食得,但千祈唔好吞。」,「吓.....連齋都慳埋,善哉,善哉。」由於無米到肚,夜晚瞓唔著,左思右想....。後來終於俾我諗通咗,太極拳先賢與古代兵法家有共通之處,太極高境界者, 不會刻意求招。原來有了功夫之後,便有自己手法,所有招式,強加到對手身上是行不通的,會變成「花拳繡腿」。難怪西洋拳,由頭打到尾成半粒鐘,來來去去都係嗰幾招,雖然係幾招,但都要適時而用,才可收效。
宋朝名將岳飛話：「陣而後戰,兵法之常,運用之妙,存乎一心,常法有跡可尋,變化則神妙莫測。」,孫子兵法謂：「兵無常勢,水無常形,能因敵變化而取勝者,謂之神。」原來講來講去。都係睇情況而變化。
附加：「淺談鬆弛」
今日介詔一些可以放鬆身體的方法：(A)幻想一吓自己在沙灘處渡假,躺身在沙灘椅上,一邊聽音樂,一邊飲汽水,仲搽緊太陽油,嗰種心情係咪好正呢？當然如果係真咁就更妙。(B)夜晚臨瞓前躺在牀上,頭同腳 畧為提起,跟著雙手握拳;全身疆緊,約兩三分鐘,然後放鬆,此刻你會如釋重負,覺得自己輕鬆起來。此外,聽吓歌、跳吓舞。一邊打太極、一邊欣賞古典樂(謂之御音而行),屋企多擺置一些盆栽,鮮花(可真可 假),精品等,可舒緩緊張。再講多次除非你能夠〝鬆弛〞,否則全世界的維生素與礦物質都不能幫你。